پاکستان میں روزانہ 27مائیں موت کا شکار

0
93

اسلام آباد (پاکستان نیوز) پاکستان میں روزانہ 27 مائیں اور ایک ماہ سے کم عمر کے 675 بچے جان کی بازی ہار جاتے ہیں۔عالمی ادارہ صحت نے اموات پر تشویش کا اظہار کرتے ہوئے اموات کی روک تھام کے لیے فوری اقدامات اٹھانے پر زوردیا ہے۔ڈبلیو ایچ او کے مطابق ہر سال 9800 سے زائد مائیں اور 246,300 نوزائیدہ بچے صحت کے قابل تدارک مسائل کی وجہ سے موت کا شکار ہو جاتے ہیں،پاکستان میں ہر سال 190,000 سے زائد مردہ بچوں کی پیدائش کا اندراج ہوتا ہے۔اس پریکٹس کو روکنا ہو گا۔ پاکستان کی تقریبا 80 فیصد آبادی ان علاقوں میں رہتی ہے جہاں نوزائیدہ بچوں میں تشنج کے پھیلاؤ پر قابو پا لیا گیا، ہر 1000 زندہ پیدائشوں پر اوسط ایک سے بھی کم تشنج کے مریض سا منے آتے ہیں، ڈبلیو ایچ او کے مطابق اسلام آباد کیپٹل ٹیریٹری (آئی سی ٹی) اور پاکستان کے زیر انتظام کشمیر نے مارچ 2025، سندھ نے دسمبر 2024، اور پنجاب نے 2016 میں اس بیماری کا خاتمہ کیا، زچگی کی شرح اموات کو ہر ایک لاکھ زندہ پیدائشوں پر 70 اموات اور نوزائیدہ بچوں کی شرح اموات کو ہر ایک ہزار پیدائشوں پر 12 اموات تک کم کرنا ہے۔

LEAVE A REPLY

Please enter your comment!
Please enter your name here