واشنگٹن(پاکستان نیوز) امریکا نے دفاعی بجٹ میں 13 فیصد اضافہ کرنے کا فیصلہ کیا ہے جبکہ بجٹ 2026 میں غیر دفاعی اخراجات میں 23 فیصد کمی کی تجویز دی گئی ہے۔غیرملکی خبررساںادارے کے مطابق وائٹ ہائوس نے بجٹ دو ہزار 26 کی سفارشات تیار کرلیں، دفاعی بجٹ ایک ہزار ارب ڈالر سے تجاوز کرنے کا امکان ہے۔وائٹ ہائوس سے جاری دستاویزات کے مطابق ہوم لینڈ سیکیورٹی کے اخراجات میں 65 فیصد اضافہ کیا جائے گا، دفاع کے علاوہ باقی اخراجات میں 23 فیصد تک کمی کی سفارش کی گئی ہے۔رپورٹ کے مطابق ناسا کو چاند کی تسخیر کیلئے 7 ارب اور مریخ پر قدم رکھنے کے پروگرام کیلئے ایک ارب ڈالر دیئے جائیں گے۔امریکی بجٹ میں بین الاقوامی امداد کیلئے یو ایس ایڈ اور دیگر اداروں کیلئے صرف 3 ارب ڈالر بجٹ رکھنے کا پلان ہے۔
