بیجنگ (پاکستان نیوز) چینی سائنسدانوں نے مچھر جتنا چھوٹا ڈرون تیار کیا ہے جسے فوجی مقاصد کے لیے بھی استعمال کیا جاسکتا ہے۔چین کی نیشنل یونیورسٹی آف ڈیفنس ٹیکنالوجی کی ایک روبوٹیکس لیبارٹری نے یہ ڈرون روبوٹ تیار کیا۔ چائنا سینٹرل ٹیلی ویژن پر اس حوالے سے رپورٹ نشر کی گئی ہے۔ لیانگ ہیکسیانگ نے کہا میرے ہاتھ میں مچھر جتنا بڑا روبوٹ ڈرون موجود ہے۔ اس طرح کے چھوٹے روبوٹس کو انفارمیشن جمع کرنے اور جنگی میدانوں میں خصوصی مشنز کے لیے استعمال کیا جاسکے گا۔ڈرون کے 2 ننھے پر ہیں جو کسی پتے جیسے نظر آتے ہیں جبکہ ٹانگیں بہت زیادہ پتلی ہیں۔ پروٹوٹائپ ڈرون سمارٹ فون کے لیے ذریعے کنٹرول کیا جاسکتا ہے۔ اس طرح کے ڈورنز کی تیاری میں سنسرز، پاور ڈیوائسز، کنٹرول سرکٹس اور دیگر پرزہ جات کو فٹ کرنا چیلنج ہوتا ہے۔
