فلوریڈا (پاکستان نیوز)فلوریڈا کے شہر ڈیوی سے تعلق رکھنے والے ایک تیتس سالہ شخص کو کم آمدنی والے خاندانوں کے لیے جاری کردہ سرکاری غذائی امداد کے پروگرام میں اٹھائیس لاکھ ڈالر کی خطیر رقم کا فراڈ کرنے کے الزام میں گرفتار کر لیا گیا ہے۔ حکام کے مطابق ملزم عباس رحمان کو فنانشل سروسز کے کرمنل انویسٹی گیشن ڈویڑن نے حراست میں لیا، جس کے بعد اسے پچاس ہزار ڈالر کے مچلکے جمع کرانے پر عارضی طور پر رہا کر کے اس کی نقل و حرکت پر نظر رکھنے کے لیے ایک برقی نگرانی کا آلہ لگا دیا گیا ہے۔
تفتیشی حکام کا کہنا ہے کہ یہ کارروائی میامی کے ایک مقامی بازار میں ہونے والی بے ضابطگیوں کی تحقیقات کے دوران عمل میں آئی۔ ملزم عباس رحمان الیکٹرانک ادائیگیوں کے نظام سے منسلک دو خود مختار اداروں میں سیلز ایجنٹ کے طور پر کام کر رہا تھا اور اس نے اپنے اس عہدے کا ناجائز فائدہ اٹھایا۔ ملزم نے امریکی محکمہ زراعت سے منظور شدہ چار جائز کاروباری اداروں کی چوری شدہ شناخت کا استعمال کرتے ہوئے بینکوں میں کھاتے کھولے اور جعلی درخواستیں دائر کیں۔
اس ہوشیارانہ جعل سازی کے ذریعے سرکاری فنڈز ان دکانداروں تک منتقل کیے جا رہے تھے جو اس امدادی پروگرام کا حصہ ہی نہیں تھے۔ رپورٹ کے مطابق ???? سے ???? کے دوران ملزم نے شناختی چوری کی پانچ مختلف وارداتیں کیں۔ اس پورے فراڈ میں بارہ لاکھ اسی ہزار ڈالر کی رقم میامی مارکیٹ کے مالکان کے کھاتوں میں منتقل ہوئی جبکہ ملزم نے پندرہ لاکھ نوے ہزار ڈالر کی خطیر رقم اپنے ذاتی استعمال کے لیے چوری کی۔ ملزم کو اب منظم فراڈ، شناختی چوری اور بڑے پیمانے پر چوری سمیت سات سنگین جرائم کے مقدمات کا سامنا ہے۔
