کراچی:
پاکستان کی صف اول کی فارما سیوٹیکل کمپنیوں میں سے ایک ہلٹن فارما (Hilton Pharma)نے اپنی کاروباری سماجی ذمے داری کے تحت ’’روشنی سے زندگی‘‘ پروجیکٹ شروع کرنے کا اعلان کیا ہے۔
ہلٹن فارما کے چیئرمین سردار یاسین ملک نے اس منصوبے کے بارے میں اظہار خیال کرتے ہوئے کہا کہ پاکستان ایک بہت بڑا ملک ہے اور اس کے بعض علاقوں میں بجلی نہیں ہے۔ ان کے گھروں میں اگر بجلی کا ایک بلب بھی روشن ہوجائے تو ان کی خوشیوں کی کوئی انتہا نہیں رہتی۔ بجلی سے محروم علاقوں میں بجلی لانا بے شک حکومت کی ذمہ داری ہے لیکن ہم تمام لوگوں کی ذمہ داری ہے کہ حکومت کا ہاتھ بٹائیں۔
واضح رہے کہ ’’روشنی سے زندگی‘‘ پروجیکٹ کے تحت ملک بھر کے دیہی علاقوں میں رہائش پزیر پسماندہ طبقے سے تعلق رکھنے والے 10 ہزاروں گھرانوں کو3 سال کے عرصے میں شمسی توانائی سے بجلی فراہم کی جائے گی۔ اس پروجیکٹ پر جی سولر کے اشتراک سے عمل درآمد کیا جائے گا جو شمسی توانائی کے پروجیکٹس میں مہارت رکھتا ہے۔ اس پروجیکٹ کے ذریعے ہر گھرانے کو شمسی توانائی کے نظام کی بدولت 2 ایل ای ڈی لائٹس، ایک پنکھا اور موبائل فون بیٹری چارج کی جا سکتی ہے۔
