22ڈسٹرکٹ سے کامیاب ہوکر کمیونٹی کے مسائل کو ترجیحی بنیادوں پر حل کروں گی ، کاسٹرو
شکاگو(پاکستان نیوز)سابق سینئر پالیسی ایڈوائزر ثمرین خان اور ان کی والدہ جگنو کی جانب سے الا نائے سینیٹ صدر ڈان ہرمون اور الانائے اسٹیٹ سینیٹر کرسٹیانہ کاسٹرو کے اعزاز میں عشائیہ کا 28فروری کو انعقاد کیا گیا ، پروگرام سہ پہر 3 بجے سے شام 5 بجے تک جاری رہا ، پروگرام کے انعقاد کا مقصد کمیونٹی کو امیدوار کرسٹینا کاسٹرو کے انتخابی منشور سے روشناس کرانا تھا کہ وہ اسٹیٹ سینیٹ میں کامیاب ہونے کے بعد کونسے اقدامات کرنے کی صلاحیت رکھتی ہیں ، اس موقع پر خطاب کرتے ہوئے سینیٹر کاسٹرو نے کہا کہ میں دوسری جنریشن کی میکسیکن امریکن ہوں ، دو مرتبہ کاﺅنٹی کمشنر کے طور پر فرائض انجام دے چکی ہوں اور ریونیو کے چیئرپرسن کے طور پر بھی بے شمار خدمات انجام دے چکی ہوں ، بے شمار تجربہ ہونے کی وجہ سے میں 22ڈسٹرکٹ کے لوگوں کی زیادہ بہتر انداز سے خدمت کر سکتی ہوں میں کمیونٹی سے اپیل کرتی ہوں کہ وہ مجھے سپورٹ کریں تاکہ میں ان کے مسائل کو ترجیحی بنیادوں پر حل کر سکوں ۔
