ٹاسک فورس کے پہلے اجلاس میں لانگ آئی لینڈ میں نفرت ، نفرت آمیز روئیوں اور نفرت انگیز واقعات کے تدارک کے لئے اتحاد ، تعلیم اور آگاہی جیسے اقدام کرنے کا فیصلہ کیا گیا
نیویارک (پاکستان نیوز) نیویارک سٹی کے نواح میں واقع لانگ آئی لینڈ کی دو نوں بڑی کاﺅنٹیز سفک اور ناسا کی جانب سے نفرت انگیز واقعات کے ادراک کے لئے قائم کردہ ٹاسک فورس کا اہم اجلاس یہاں منعقد ہوا جس میں ناسا کاﺅنٹی کی کاﺅنٹی ایگزیکٹو لارا کرن کے علاوہ ٹاسک فورس کے ارکان جن کا مختلف عقائد اور کمیونٹیز سے تعلق تھا، نے شرکت کی۔ ٹاسک فورس کے پہلے اجلاس میں لانگ آئی لینڈ میں نفرت ، نفرت آمیز روئیوں اور نفرت انگیز واقعات کے تدارک کے لئے اتحاد ، تعلیم اور آگاہی جیسے اقدام کرنے کا فیصلہ کیا گیا۔ لانگ آئی لینڈ میں یہ ٹاسک فورس پہلے سفک کاﺅنٹی کے کاﺅنٹی ایگزیکٹو سٹیو بلون نے قائم کی تھی۔
