فائرنگ کا پہلا واقعہ بروکلین،دوسرا برونس ویلی اور تیسرا رات کو ساڑھے دس بجے کے قریب برسٹل سٹریٹ اور نیوپورٹ سٹریٹ کے درمیان پیش آیا
نیویارک (پاکستان نیوز) بروکلین میں فائرنگ کے تین واقعات میں 7افراد زخمی ہوگئے ، تفصیلات کے مطابق رات گئے اچانک شہر میں فائرنگ کے تین واقعات رونما ہوئے جس کے دوران اب تک 7افراد کے زخمی ہونے کی اطلاع ہے ، رات گئے فائرنگ کا پہلا واقعہ بروکلین میں پیش آٰیا جس کے دوران 23سالہ نوجوان زخمی ہوگیا ، فائرنگ کا دوسرا واقعہ برونس ویلی میں پیش آیا جس کے دوران ایک خاتون زخمی ہوگئی جوکہ زندگی اور موت کی کشمکش میں ہے ، فائرنگ کا تیسرا واقعہ رات کو ساڑھے دس بجے کے قریب برسٹل سٹریٹ اور نیوپورٹ سٹریٹ کے درمیان پیش آیا جس سے چار افراد بری طرح زخمی ہوگئے جن کو فوری طور پر ہسپتال منتقل کیا گیا۔
