نیویارک (پاکستان نیوز) مسلم خاتون رکن الہان عمر نے کالے افراد کی تحریک پر تنقید کرنے پر صدر ڈونلڈ ٹرمپ کو کھری کھری سنا دیں ، الہان کا کہنا تھا کہ صدر ٹرمپ کو اس موضوع پر بات نہیں کرنی چاہئے اور اپنا منہ بند رکھنا چاہئے ، انھوں نے بتایا کہ میں نے اپوزیشن ، ڈیموکریٹس اراکین کی اکثریت سے اس سلسلے میں بات چیت کی ہے جوکہ ٹرمپ کے اقدامات سے مکمل طورپر نالاں ہیں ، ایک طرف صدر ٹرمپ کالے افراد کی تحریک اور پولیس کو ڈی فنڈ کرنے کی مہم کی تضحیک کر رہے ہیں تو دوسری جانب ڈیموکریٹس کے صدارتی امیدوار جوبائیڈن پولیس ادارے کو مزید بہتر بنانے کے لیے 300ملین ڈالر خرچ کرنے کا ارادہ رکھتے ہیں ، ایسی صورتحال میں ٹرمپ کی سپورٹ کم ہوتی دکھائی دے رہی ہے ۔
