عطیات و زکوٰة بذریعہ ڈاک سینٹرل عید کمیٹی آف گریٹر شکاگو کے نام پر چیک کی صورت میں5933نارتھ لنکن ایونیو شکاگو، الی نائے60659پر ارسال کئے جاسکتے ہیں،آن لائن ادائیگی کے لئے ویب سائٹWWW.CHicagoHilal.org پر وزٹ کرکے آسان ہدایات پر عمل کریں
شکاگو(پاکستان نیوز) شکاگو میں عیدین کے اعلان وانعقاد کی مرکزی کمیٹی سینٹرل عید کمیٹی آف گریٹر شکاگو نے نماز عیدالاضحیٰ کی کرونا وائرس کے باعث اجتماعی ادائیگی کی تنسیخ کا اعلان کردیا ہے۔کمیٹی کے اعلامیہ کے مطابق سالہا سال سے ہالی ڈے ان اسکوکی میں ہونے والا نماز عیدالاضحیٰ کا اجتماعCovid-19کے باعث منسوخ کر دیا گیا ہے۔عیدالفطر کی طرح امسال عید الاضحیٰ کی نماز بھی اجتماعی طور پر نہیں ہوگی۔کمیٹی نے فرزندان توحید سے زکوٰة وعطیات کی ادائیگی کے لئے متبادل طریقوں سے ادائیگی کی اپیل کی ہے۔عطیات و زکوٰة بذریعہ ڈاک(میل)سینٹرل عید کمیٹی آف گریٹر شکاگو کے نام پر چیک کی صورت میں5933نارتھ لنکن ایونیو شکاگو، الی نائے60659پر ارسال کئے جاسکتے ہیں۔آن لائن ادائیگی کے لئے ویب سائٹWWW.CHicagoHilal.org پر وزٹ کرکے آسان ہدایات پر عمل سے استفادہ کیا جاسکتا ہے۔اس دفعہ کا کم ازکم عطیہ10ڈالر فی کس ہے۔مزید تفصیلات کے لئے پاکستان نیوز میں شائع اشتہار میں درج کمیٹی کے عہدیداران سے رابطہ کریں۔
