لاہور (پاکستان نیوز )پنجاب سے پہلی لیڈی ٹریفک وارڈن یو این مشن کے لئے روانہ ہوگئیں۔ نجی ٹی وی کے مطابق لیڈی ٹریفک وارڈن سلمیٰ عبدالغنی پاکستان پولیس کی طرف سے سوڈان میں نمائندگی کریں گی۔ سی ٹی او سید حماد عابد نے لیڈی وارڈن کو ریلیو کردیا، لاہور پولیس سے لیڈی وارڈن سلمیٰ عبدالغنی اور ڈی ایس پی محمد خان یو این مشن میں شرکت کریں گے۔پاکستانی پولیس 9 سال بعد یو این مشن میں شرکت کررہی ہے۔ ملک بھر سے 361 افسران یو این مشن کے لئے منتخب ہوئے۔ پنجاب سے 12 جبکہ ملک کے دیگر علاقوں سے 27 افسران سوڈان مشن پر جارہے ہیں۔سی ٹی او سید حماد عابد نے کہا کہ لیڈی وارڈن سلمیٰ کی یو این مشن میں تعیناتی پوری فورس کے لئے اعزاز کی بات ہے ، سٹی ٹریفک پولیس میں خواتین بہترین فرائض سرانجام دے رہی ہیں۔
