پشاور(پاکستان نیوز) خیبرپختونخوا کی خاتون پولیس آفیسر ایس ایس پی سونیا شمروز خان نے عالمی ایوارڈ اپنے نام کرلیا، انہیں پولیس آفیسرآف دی ایئر کیایوارڈ سے نوازا گیا ہے۔ تفصیلات کے مطابق کے پی کے سے تعلق رکھنے والی ایس ای پی سونیا شمروز بطور ڈسٹرکٹ پولیس آفیسر بٹگرام خدمات انجام دے رہی ہیں، اور سونیا شمروز خان ڈی پی او چترال اور دیگر عہدوں پر بھی رہ چکی ہیں۔اور انہوں نے جبری شادیوں کی روک تھام کیلئے شکایتی سیل قائم کیے تھے۔ ایس ای پی سونیا شمروز کو ان کی خدمات کے اعتراف میں انٹرنیشنل ایسوسی ایشن آف ویمن پولیس کی جانب سے پولیس آفیسرآف دی ایئر کیایوارڈ سے نوازا گیا ہے۔ عالمی اعزاز حاصل کرنے والی ایس ایس پی سونیا شمروزنیایوارڈ صنفی امتیاز کیمتاثرہ خواتین اور محنتی خواتین پولیس آفیسرز کے نام کرتے ہوئے کہا کہ خواتین پولیس اہلکار امن و سلامتی کو یقینی بنانے کیلئے ان تھک محنت کر رہی ہیں، کام کے دوران ثقافتی اصولوں اور حساسیت کو مدنظررکھا ہے۔ ایس ایس پی سونیا شمروز نے کہا کہ اسی وجہ سے خواتین سیمتعلق جرائم کی رپورٹنگ میں اضافہ ہوا ہے، بٹگرام میں خواتین رپورٹ درج کرنے پولیس اسٹیشن نہیں آتی تھیں، لیکن اب خواتین ہماری مدد لینے آتی ہیں۔
