واشنگٹن(پاکستان نیوز) تاریخ میں پہلی بار خواجہ سرا ایڈمرل ڈاکٹر ریچل لیوائن نے اپنے عہدے کا حلف اٹھا لیا ہے اور وہ پہلی خواجہ سرا فور سٹار آفیسر بن گئی ہیں۔ 63 سالہ ڈاکٹر ریچل پبلک ہیلتھ سروس کمیشنڈ کور کی ایڈمرل مقرر ہوئی ہیں۔ ان کی تقرری صدر جوبائیڈن نے کی، پبلک ہیلتھ سروس کمیشنڈ کور میں 6 ہزار باوردی آفیسرز اور اہلکار کام کرتے ہیں۔ تقریب حلف برداری سے خطاب کرتے ہوئے ڈاکٹر ریچل نے اس موقع کو تاریخی اور انتہائی اہمیت کا حامل قرار دیا۔ قبل ازیں وہ پنسلوینیا کی وزیر صحت بھی رہ چکی ہیں۔
