نیویارک (پاکستان نیوز)نئے پاسپورٹ کے اجراح کے لیے پروسیسنگ شروع کر دی گئی ہے ، نئے پاسپورٹ کے خواہشمند افراد متعلقہ ڈیپارٹمنٹ سے جلد از جلد رابطہ کر سکتے ہیں، اگر آپ نیا پاسپورٹ بنوانا چاہتے ہیں یا پرانے پاسپورٹ کی تجدید درکار ہے تو برائے مہربانی اپنے دستاویزات جلد جمع کرائیں، گزشتہ سال محکمہ خارجہ نے 21,995,760 پاسپورٹوں پر کارروائی کی، یہ ایک ریکارڈ تعداد ہے جو کہ 1974 میں شروع ہونے کے بعد سے سب سے زیادہ ہے۔ یہ رجحان 2023 میں کم ہوتا نظر نہیں آتا، خاص طور پر موسم بہار اور موسم گرما کے مصروف سفر کے دوران۔محکمہ کے مطابق وہ مسافر جو پہلی بار اپنے پاسپورٹ کی تجدید یا حاصل کرنا چاہتے ہیں، طویل انتظار کے اوقات کی توقع کر سکتے ہیں، معیاری پروسیسنگ کی مدت اب 8 سے 11 ہفتے ہے۔ اگرچہ یہ وبائی مرض کے عروج پر 2020 کے مقابلے میں ایک مختصر دورانیہ ہے، جب یہ عمل مہینوں تک پھیلا ہوا تھا، یہ اب بھی جنوری کے مقابلے میں طویل ہے، جب پاسپورٹ کی معمول کی درخواست 6 سے 9 ہفتوں تک ہوتی ہے۔پاسپورٹ کی تجدید یا بالغوں کے لیے نئی درخواست کی لاگت 130ڈالر ہے جبکہ پاسپورٹ کی درخواست کو روٹین پروسیسنگ سے تیز تر پروسیسنگ میں اپ گریڈ کرنا ممکن ہے، اضافی فیس 60 ڈالر ہے اور موجودہ تیز رفتار پروسیسنگ کا وقت 5 سے 7 ہفتے ہے۔
