لاس اینجلس(پاکستان نیوز) کرکٹ کو لاس اینجلس اولمپکس 2028 میں شامل کرنے کا باقاعدہ اعلان، آئی او سی سیشن میں تجویز کو منظورکر لیا گیا۔ کرکٹ کو لاس اینجلس اولمپکس 2028 میں شامل کرنے کا باقاعدہ اعلان کردیا گیا۔ انٹرنیشنل اولمپک کمیٹی کے ممبئی میں ہو نے والے سیشن میں کرکٹ کو شامل کرنے کی منظوری دی گئی،آئی او سی کے مطابق آرگنائزنگ کمیٹی نے اولمپک گیمز لاس اینجلس میں پانچ کھیلوں کو شامل کرنے کی تجویز دی۔آئی او سی سیشن میں تجویز کو منظورکر لیا گیا ہے۔ کرکٹ ،بیس بال/ سافٹ بال ،فلیگ فٹ بال ،لاکروس اور اسکواش اولمپکس 2028 کا حصہ ہوں گے،کرکٹ ٹی ٹونٹی فارمیٹ میں کھیلا جائے گا۔ دوسری جانب چیئرمین آئی سی سی گریک بارکلے نے کرکٹ کی اولمپکس میں شمولیت خوش آئند قرار دیا ہے، انہوں نے کہا توقع ہیمستقبل کیکئی اولمپک گیمز کھلاڑیوں کیلیے یادگارہوں گے۔ کرکٹ کی شمولیت سے اولمپکس کو نئے فینزملیں گے ۔اولمپکس میں کرکٹ ایکشن دیکھنے کا بے صبری سے انتظار رہے گا۔
