واشنگٹن(پاکستان نیوز) صدر جوبائیڈن کے انتخابی مہم سے دستبردار ہونے کی تاریخ کی بالکل درست پیش گوئی کرنے والی نجومی نے اگلے صدر کا نام بتادیا۔ میڈیا کے مطابق 40 سالہ نجومی ایمی ٹرپ کا کہنا ہے کہ ستاروں کے مطابق امریکا کے اگلے صدر ڈونلڈ ٹرمپ ہوسکتے ہیں۔ ایمی ٹرپ نے دعوی کیا ہے کہ ڈونلڈ ٹرمپ اپنی پیشہ ورانہ کامیابی کے عروج پر ہیں، انہیں آنے والے دنوں میں مزید غیر معمولی چیزوں کا سامنا کرنا پڑ سکتا ہے۔ میڈیا کے مطابق ایمی ٹرپ نے یہ بھی پیش گوئی کی تھی کہ کملا ہیرس 2024 میں صدر کے لیے انتخاب لڑیں گی۔ ان کا کہنا ہے کہ صدر جوبائیڈن کو کسی قسم کے صحت کے مسائل کا سامنا ہوسکتا ہے یا ان کی صحت مسلسل گر سکتی ہے۔ ایمی ٹرپ نے یہ بھی پیش گوئی کی ہے کہ امریکا میں اگست کا مہینہ مشکل ہو سکتا ہے اور آگے مزید سیاسی بدامنی ہوسکتی ہے۔
