منیلا (پاکستان نیوز)حکومت پاکستان نے عاصمہ ربانی کو فلپائن میں پاکستان کا سفیر مقرر کر دیا ہے ، وزیراعظم سیکرٹریٹ کے ذرائع نے بتایا ہے کہ عاصمہ ربانی فلپائن میں پاکستان کی نئی سفیر ہوں گی اور رحیم حیات قریشی برسلز میں پاکستان کے نئے سفیر اور سفیر برائے یورپی یونین ہوں گے۔عبدالحمید بھٹہ جاپان میں، نجیب درانی گھانا میں پاکستان کے نئے سفیر ہوں گے، زاہد حفیظ چوہدری کو انڈونیشیا، معظم شاہ ساؤتھ کوریا میں اور ملک فاروق کو ساوتھ افریقہ میں پاکستان کا سفیر تعینات کیا گیا ہے جبکہ شہباز کھوکر بیروت، عادل گیلانی مراکش میں پاکستان کے نئے سفیر ہوں گے۔طارق کریم اور اقصیٰ نواز کو افریقی ممالک میں پاکستان کے سفرا ہوں گے، سید حیدر شاہ کو نیدرلینڈ میں، عامر شوکت مصر جبکہ مرغوب سلیم بٹ سوئٹزلینڈ میں پاکستان کے نئے سفیر ہوں گے۔اس کے علاوہ، زمان مہدی شکاگو میں پاکستان کے قونصل جنرل ہوں گے، واجد ہاشمی ملبرن جب کہ تنویر بھٹی شینی شہر چینگدو میں پاکستان کے نئے قونصل جنرل ہوں گے، امتیاز گوندل مانچسٹر میں پاکستان کے نئے قونصل جنرل ہوں گے۔اسی طرح، شہریار اکبر چیک ریپبلک میں پاکستان کے نئے سفیر ہوں گے اور عاصمہ ربانی فلپائن میں پاکستان کی نئی سفیر ہوں گی۔
