اسلام آباد (پاکستان نیوز) کینیڈا حکومت سے خالصتان ریفرنڈم کو ملنے والے قانونی تحفظ نے مودی کی غاصبانہ پالیسیوں کی حقیقت آشکار کر دی۔ تفصیلات کے مطابق سکھ فار جسٹس تحریک کے رہنما گرپتونت سنگھ نے خالصتان ریفرنڈم کیلئے کینیڈا کی با ضابطہ اجازت کا اعلان کر دیا ، سکھ فار جسٹس تحریک کے رہنما گرپتونت سنگھ پنوں نے کہاکہ پنجاب کو بھارتی قبضے سے آزاد کرانے کیلئے23 نومبر کو خالصتان ریفرنڈم منعقد کیا جائے گا۔ کینیڈا کی حکومت کی اجازت کے مطابق 23 نومبر کو بلنگز اسٹیٹ، اوٹاوا میں خالصتان ریفرنڈم کاانعقادکیا جائیگا۔ انہوں نے کہا کہ حکومتی اجازت کینیڈا کی آزادی اظہار، سیاسی شرکت، اور جمہوری عمل کے عزم کی تصدیق ہے ۔ ریفرنڈم پنجاب کو بھارتی قبضے سے آزاد کرانے کیلئیگولی کے مقابلے میں ووٹ کے ذریعے پرامن جدوجہدہے۔
