عالمی مارکیٹ میں سونے کی فی اونس قیمت 42 ڈالر اور مقامی صرافہ مارکیٹوں میں سونے کی فی تولہ قیمت میں 1950 روپے کا اضافہ ہوا۔
ایکسپریس نیوزکے مطابق سونے کی قیمت کو ایک بار پھر پر لگ گئے، اور ملکی صرافہ مارکیٹوں میں سونے کی فی تولہ اور دس گرام قیمت میں ایک ہی دن میں بالترتیب 1950 روپے اور 1671 روپے کا اضافہ ہوگیا۔
دوسری جانب عالمی بلین مارکیٹ میں سونے کی فی اونس قیمت 42 ڈالر بڑھی اور عالمی بازار میں فی اونس سونا 1638 ڈالر کا ہوگیا، قیمتوں میں اضافے کے نتیجے میں کراچی، لاہور، ملتان، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 94 ہزار 100 روپے جب کہ دس گرام سونے کی قیمت اضافے کے بعد 80 ہزار 675 روپے پر پہنچ گئی۔
