کراچی:
پاکستانی صوفی بینڈ ’نفس‘ نے کورونا وائرس سے حفاظت کے لیے’ احتیاطِ کورونا‘ کے نام سے نیا گانا جاری کردیا۔
کورونا وائرس نامی وبا نے پوری دنیا کو ہلا کر رکھ دیا ہے۔ ایک اندازے کے مطابق اب تک اس وائرس کی وجہ سے ہزاروں افراد لقمہ اجل بن چکے ہیں اور پاکستان میں بھی یہ وائرس اب تک 1600 سے زائد افراد کو متاثر کر چکا ہے۔ مشکل کی اس گھڑی میں مختلف شعبہ جات سے تعلق رکھنے والے افراد کورونا وائرس کو مات دینے کے لیے میدان میں آگئے ہیں۔
