واشنگٹن (پاکستان نیوز) امریکہ میں نیشنل انٹیلی جنس ڈائریکٹر تلسی گبارڈ نے ملک بھر میں 2 ہزار افغان دہشتگردوں کی موجودگی کا انکشاف کیا ہے ، نیشنل انٹیلی جنس کی ڈائریکٹر تلسی گبارڈ نے جمعہ کو فوکس اینڈ فرینڈز کو انٹرویو دیتے ہوئے کہا کہ امریکہ میں کم از کم2 ہزار افغان مہاجرین کادہشت گردی سے تعلق ہے۔ ٹرمپ انتظامیہ نے امریکہ میں افغان کمیونٹی کو اکٹھا کیا ہے اور ایک افغان مہاجر کی طرف سے مبینہ طور پر نیشنل گارڈ کے ارکان کو گولی مارنے کے بعد سے امیگریشن کی درخواستیں معطل کر دی ہیں۔ گبارڈ نے دعویٰ کیا کہ افغانستان میں بائیڈن انتظامیہ کے انخلا کے بعد امریکہ میں داخل ہونے والے افغان مہاجرین کی “بڑی اکثریت” کی صحیح جانچ نہیں کی گئی۔ان کی شناخت نیشنل کاؤنٹر ٹیررازم سینٹر (NCTC) کی طرف سے جمع کی گئی انٹیلی جنس معلومات کی بنیاد پر کی گئی، جو کہ ڈائریکٹر آف نیشنل انٹیلی جنس اہلکار کے دفتر نے بتائی۔این سی ٹی سی کے ڈائریکٹر جو کینٹ نے گزشتہ ماہ بھی اس ریویٹنگ کا جائزہ لیا۔
