نیویارک (پاکستان نیوز) میئر ڈی بلاسیو نے دنیا بھر سے نیویارک کا رخ کرنے والے ہیلتھ ورکرز کے لیے مفت ہوائی سفر کی سہولت کا اعلان کر دیا ہے اور ا س سلسلے میں ہوائی کمپنیوں جیٹ بلیو اور یونائیٹڈ ائیرلائنز سے معاہدہ کر لیا ہے ، انھوں نے کہا کہ ہمارے ہیلتھ کیئر ورکرز ہمارے ہیروز ہیں اگر وہ نیک مقصد کے لیے نیویارک آنا چاہتے ہیں تو اس کے لیے ان کو سفری اخراجات برداشت کرنے کی ہرگز ضرورت نہیں ہے ، انھوں نے کہا کہ ہم دنیا بھر سے نیویارک آنے والے ہیلتھ ورکرز کے تمام اخراجات خود برادشت کریں گے کیونکہ وہ ہماری مدد کے لیے نیویارک آ رہے ہیں ۔
