اوٹاوا(پاکستان نیوز) کینیڈا میں ایک نیا بل منظور ہوا ہے جو کینیڈا میں فیس بک اور انسٹاگرام صارفین کو کینیڈا کی خبریں دیکھنے سے روک روک دے گا۔ عالمی میڈیا رپورٹس کے مطابق کینڈین حکومت نے ایک بل پاس کیا ہے جس کے تحت دونوں پلیٹ فارمز کو آن لائن خبروں کی نشریات کیلئے ادائیگی کی ضرورت ہے۔ نئے قانون کے تحت فیس بک اور انسٹا گرام سے مطالبہ کیا گیا ہے کہ وہ کینیڈا کے میڈیا آٹ لیٹس کے ساتھ ان کی خبریں اور معلومات کو اپنے پلیٹ فارمز پر شیئر کرنے کے لیے ڈیل کریں۔ یہ نیا قانون آسٹریلیا کے نئے میڈیا بارگیننگ کوڈ پر مبنی ہے جس کا مقصد گوگل اور میٹا کو اپنے پلیٹ فارمز پر خبروں کے مواد کے لیے متعلقہ میڈیا ہاسز کو ادائیگی کرنا لازم ہے۔ واضح رہے کہ آسٹریلیا نے بھی آن لائن مواد کے حوالے سے دونوں پلیٹ فارمز پر الزام عائد کیا تھا کہ یہ دیگر میڈیا اداروں کا مواد مفت میں پلیٹ فارم پر شیئر کرکے ادارے کی رقوم ہتھیا رہے ہیں۔
