کشمیر تنازع: راہول گاندھی نے بھارتی تباہی کی پیش گوئی کردی

کشمیر تنازع: راہول گاندھی نے بھارتی تباہی کی پیش گوئی کردی

کشمیر تنازع: راہول گاندھی نے بھارتی تباہی کی پیش گوئی کردی
شیئرٹویٹ
ویب ڈیسک 3 گھنٹے پہلے

شیئرٹویٹشیئرای میلتبصرےمزید شیئر

’’یہ قوم عوام سے بنی ہے، زمین کے پلاٹوں سے نہیں،‘‘ راہول گاندھی۔ (فوٹو: فائل)

نئی دہلی: بھارتی آئین میں کشمیر سے متعلق آرٹیکلز 370 اور 35 اے کی صدارتی حکم نامے سے منسوخی کو شدید تنقید کا نشانہ بناتے ہوئے کانگریس کے رہنما راہول گاندھی نے اپنے مذمتی ٹویٹ میں لکھا ہے کہ اس حرکت کے بھارتی قومی سلامتی پر سنگین اثرات مرتب ہوں گے۔

راہول گاندھی نے اپنے تازہ ٹویٹ میں لکھا: ’’جموں و کشمیر کے ٹکڑے کرنے، منتخب نمائندوں کو قید کرنے اور ہمارے آئین کی خلاف ورزی سے قومی یکجہتی کو آگے نہیں بڑھایا جاسکتا۔ یہ قوم عوام سے بنی ہے، زمین کے پلاٹوں سے نہیں۔ انتظامی اختیار کا یہ غلط استعمال ہماری قومی سلامتی کےلیے سنگین مضمرات کا حامل ہے۔‘‘

یہ خبر بھی پڑھیں: بھارت کا مقبوضہ کشمیر کی خصوصی حیثیت ختم اور 2 حصوں میں تقسیم کرنے کا اعلان

واضح رہے کہ کشمیر کے بارے میں مودی سرکار کے اس فیصلے پر قومی اسمبلی اور سینیٹ کا مشترکہ اجلاس جاری ہے جس میں پاکستان کی جانب سے ردِعمل کا لائحہ عمل طے کیا جارہا ہے۔