برسبین:
سابق آسٹریلوی اسپنر شین وارن نے ٹیسٹ چیمپئن شپ کی طرح ون ڈے انٹرنیشنل کو بھی ازسرنو مرتب کرنے کا مطالبہ کر دیا۔
انھوں نے کہا کہ گزرتے وقت کے ساتھ ایک روزہ کرکٹ کی دلکشی بھی کم ہوتی جارہی ہے، فروری میں کیویز سے تین ون ڈے کھیلنے کے بعد بھارتی کپتان ویرات کوہلی کا کہنا تھا کہ رواں برس یہ فارمیٹ زیادہ اہم نہیں ہوگا، مجھے ٹیسٹ چیمپئن شپ کا تصور پسند آیا اور میں چاہتا ہوں کہ ون ڈے انٹرنیشنل کرکٹ میں بھی کچھ اسی طرح کی دلچسپی لائی جائے، انھوں نے ون ڈے سیریز کو پانچ کے بجائے 3 میچز تک محدود کرنے کی تجویز کو بھی سراہا۔
