عہدِ نو !!!
نیا سال شروع ہوئے ابھی پندرہ دن ہی ہوئے ہیں کے بہت ساری اچھی اور بری باتیں ہر ایک کی گفتگو کا موضوع بنی ہوئی ہیں وہی سب کچھ ہے جو پچھلے سال تھا موضوع گفتگو پہلا نہیں ہے مثلاً ابھی بھی غازہ کی صورت حال بدلی نہیں ہے اسی طرح جلسے جلوس میں لوگ شریک ہو کر احتجاج کر رہے ہیں۔ پاکستان کی صورتحال میں بھی کوئی کمی نہیں آئی ہے گیس اور بجلی کے مسائل ہیں ابھی تک یہی نہیں معلوم ہے لوگوں کو کیا ہوگا ہر طرح کی بے سکونی ہے بہت سارا Confusion ہے اب ایسی صورتحال میں ملک کا مستقبل کیا ہے کسی کو معلوم نہیں دنیا میں ہر طرف غیر یقینی صورتحال ہے مسلمان مملک جن پریشانیوں کا شکار ہیں اس سے ہر مسلمان دکھی اور بے چین ہے۔ امید ہے کے نیا سال بہتر ہوگا اور لوگوں کے احتجاج کا محنت کا اور وقت جو انہوں نے جلسے جلوس میں لگایا ہے کچھ مثبت راستہ نکل آئے گا۔ ایک سال گزرتے کچھ دیر نہیں لگتی مگر اس ایک سال کے اندر اگر حکمران اچھے فیصلے نہ کریں تو نہ جانے کتنے نقصانات ہو جاتے ہیں۔ یہ بات تو ہو رہی ہے بڑے پیمانے کی مگر اگر ہم مختلف خاندانوں کی بات کریں تب بھی یہی اصول کار فرما ہوتے ہیں۔ اگر خاندان کے سربراہ اپنے گھر کے اصول نہ مرتب کریں اور اپنے بچوں پر نہ توجہ دیں تو ایک سال گزرتے تو دیر نہیں لگتی ہے۔ مگر گھر کے حالات وہیں کھڑے رہتے ہیں جہاں ایک سال پہلے تھے مثلاً گھر میں لڑائی جھگڑے ہیں تو اگر آپ نے سنجیدگی سے اس کو ختم کرنے کے بارے میں نہیں سوچا تو سالہا سال ایسے ہی گزر جائیں گے اور آپ کے ہاں مثبت تبدیلی کی بجائے منفی اثرات ہی آپ کی زندگی میں پیدا ہوتے چلے جائیں گے۔ میاں بیوی کے لڑائی جھگڑے بچوں پر اثر انداز ہوں گے۔ ان کی اپنی صحت پر اثر انداز ہوں گے۔ مگر اس کا اساس جلد نہیں ہوتا بہت سارے سال گزرنے کے بعد ہوتا ہے۔ اسی طرح اگر کوئی سستی اور کاہلی میں اپنی زندگی گزار رہا ہے تو سالہا سال گزر جائیں گے وہ نہ کوئی جاب کرسکے گا نہ ہی کوئی پڑھائی مکمل کرسکے گا حتیٰ کے کچھ لوگ اپنے گھر کے اندر بھی اپنے کمرے تک میں کوئی تبدیلی نہیں لا پاتے۔ اور سالہا سال گھر بے توجہی کی کہانی سنا رہا ہوتا ہے۔ لوگ سالوں صرف پلان بناتے رہتے ہیں اور وقت گزرتا رہتا ہے سال مہینے اور دن اسی لئے الگ الگ حصوں میں بانٹ دیئے گئے ہیں کے ایک انسان وقت کی اہمیت سمجھے۔ اور اس سال کو جو اس کی زندگی میں صرف ایک بار آیا ہے۔ صحیح استعمال کرے اپنے مسائل کو ہر حال میں اسی سال میں ختم کرنے کی کوشش کرے تاکے زندگی میں مسائل کی کمی اور خوشی کا عنصر زیادہ ہو۔ امید مایوسی تقدیران سب کا لفظ تو ہم اپنی زندگی میں بہت استعمال کرتے ہیں مگر وقت گزر گیا وقت بڑی تیزی سے گزر رہا ہے جیسے الفاظ کا استعمال بھی ہماری عام بول چال میں بہت ہے مگر ہم یہ نہیں کہتے کے بس بھئی ہمت پکڑی اس سال کے گزرنے سے پہلے اپنے حالات کو درست کرنے کی کوشش کریں گے۔
حالات سے مطلب یہ نہیں ہے کے بڑی جاب کریں گے یا بہت پیسہ کمائیں گے مگر کوئی بھی ایسی بات جو ہمیں پریشان کر رہی ہے اور ہم اس کو لے کر ہی زندگی گزار رہے ہیں اس کو ختم کرنے کی کوشش بھرپور طریقے سے کریں غوروفکر کریں راستہ نکل ہی آتا ہے۔
٭٭٭٭٭٭
