کراچی:
معروف اداکار گوہر رشید قومی جانور مارخور کی معدوم ہوتی نسل کو بچانے کے لئے میدان میں آگئے۔
مرزا گوہر رشید نے سماجی رابطے کی ایپ انسٹا گرام پر مارخور کی نسل کے بچاؤ کے لئے ایک آگاہی ویڈیو جاری کی جس میں انہوں نے مختلف کارڈ اُٹھا کرمارخور کی نسل کی روک تھام کے لئے پیغام دیئے ہیں۔ گوہر رشید نے ویڈیو میں مختلف کارڈ کے ذریعے یہ بتایا کہ ’میں گوہر رشید ہوں اور میں آپ لوگوں کو کچھ بتانا چاہتا ہوں کہ یہ مارخور ہے جن کی نسل ماحولیاتی تبدیلی اور شکار کی وجہ سے کم ہو رہی ہے۔
گوہر رشید نے یہ بھی بتایا کہ2015 میں فطری تحفظ کی عالمی تنظیم( آئی یو سی این) نے مارخور کو معدومیت کے خطرے سے دو چار قرار دیا تھا، گوہر رشید نے مارخور اور اس کے لئے اقدامات اور ماخور کی معدومیت کے لئے ہیش ٹیگ بھی استعمال کیا۔
یہ خبر بھی پڑھیں: امریکی شہری کی مارخور کے شکار کیلیے 1 لاکھ 10 ہزار ڈالر کی ادائیگی
گوہر رشید نے اپنی اس ویڈیو کے ساتھ یہ بھی لکھا کہ وقت آگیا ہے کہ ہم فرق ختم کریں اور آپ سب پاکستان میں مارخور کی معدومیت کے خلاف آواز بلند کرنے میں ہمارا ساتھ دیں۔
