اسلام آباد (پاکستان نیوز) عالمی بینک نے پاکستان کیلئے 70 کروڑ ڈالر قرض کی منظوری دیدی۔ تفصیلات کے مطابق یہ فنڈز پاکستان پبلک ریسورسز فارانکلیوسو ڈویلپمنٹ پروگرام کے تحت فراہم کئے جائیں گے، جو پاکستان میں معاشی استحکام اور سروس ڈیلیوری کا نیا پروگرام ہے جس کا اعلان عالمی بینک نے کیا۔ عالمی بینک کے مطابق پروگرام کے تحت وفاق کو 60 کروڑ، سندھ کو 10 کروڑ ڈالر ملیں گے، اس سے ٹیکس نظام اور اخراجات میں بہتری جبکہ ڈیجیٹل نظام کے ذریعے عوامی خدمات کو بہتر بنایا جائے گا، فنڈز مطلوبہ نتائج حاصل ہونے پر جاری کئے جائیں گے۔ عالمی بینک کے مطابق پروگرام آئی ایم ایف اور نیشنل فسکل پیکٹ سے ہم آہنگ اور اس سے تعلیم، صحت وسماجی شعبوں کیلئے وسائل میں اضافہ متوقع ہے، پروگرام کے تحت مختلف مراحل میں 1.35 ارب ڈالر فراہم کئے جائینگے۔
