کشیدگی میں ممکنہ اضافہ؛ امریکی شہریوں کو مشرق وسطیٰ چھوڑنے کی ہدایات جاری

0
16

واشنگٹن (پاکستان نیوز)حکومت کی جانب سے یہ ہنگامی انتباہ ایک ایسے وقت میں سامنے آیا ہے جب خطے میں جاری کشیدگی کسی بھی وقت ایک بڑی جنگ یا تصادم کی شکل اختیار کر سکتی ہے۔ واشنگٹن نے خطے کے مختلف ممالک میں موجود اپنے سفارت خانوں کے ذریعے شہریوں کو خبردار کیا ہے کہ وہ موجودہ نازک حالات کے پیش نظر انتہائی احتیاط سے کام لیں اور محفوظ مقامات پر منتقل ہونے پر سنجیدگی سے غور کریں۔ سفارتی حکام کے مطابق مشرق وسطیٰ میں پروازوں کی آمدورفت متاثر ہونے اور فضائی حدود بند ہونے کے شدید خدشات موجود ہیں جس کی وجہ سے بروقت انخلا انتہائی ضروری ہے۔ اس کے علاوہ خطے میں امریکی تنصیبات اور شہریوں کو نشانہ بنائے جانے کے خطرات بھی منڈلا رہے ہیں۔ امریکی وزارت خارجہ نے اپنے شہریوں کو ہدایت کی ہے کہ وہ ہجوم والی جگہوں پر جانے سے گریز کریں، مقامی خبروں اور حالات سے باخبر رہیں اور ہنگامی صورتحال سے نمٹنے کے لیے اپنی تیاریوں کو مکمل رکھیں۔ انتباہ میں مزید کہا گیا ہے کہ غیر ضروری سفری پابندیوں اور سیکیورٹی رسک کی وجہ سے حالات تیزی سے تبدیل ہو رہے ہیں لہذا امریکی شہریوں کو چاہیے کہ وہ بلا تاخیر خطے سے نکلنے کے امکانات کا جائزہ لیں۔

 

 

LEAVE A REPLY

Please enter your comment!
Please enter your name here