کراچی:
برٹش کونسل نے ڈرامہ اداکار عمران اشرف کو اعزازی سفیر برائے علم مقرر کردیا۔
عمران اشرف نے انسٹا گرام پر اپنی ایک تصویر مداحوں سے شیئر کی جس کے ساتھ انہوں نے کیپشن میں لکھا کہ میرے لیے فخر کی بات ہے کہ برٹش کونسل کی جانب سے مجھے علم کے پھیلاؤ کے لیے علم کا سفیر بنادیا گیا ہے۔
عمران اشرف نے یہ بھی کہا کہ میں پراُمید ہوں کہ 2020ء تک علمی مقاصد کے حصول میں کوئی کردار ادا کرسکوں، اس پروگرام کا مقصد یہ ہے ملک کے پس ماندہ بچوں کو علم کی مدد سے روشن مستقبل دیا جا سکے۔
