پاکستان کرکٹ ٹیم کے سابق کپتان شاہد آفریدی نے کورونا وائرس میں مبتلا امیتابھ بچن اور ان کے خاندان کے لیے نیک خواہشات کا اظہارکیا ہے۔
سوشل میڈیا پر اپنے پیغام میں ممتاز آل راﺅنڈر کا کہنا ہے کہ میں سینئر بچن اور جونیئر بچن کے لئے نیک خواہشات رکھتا ہوں اور امید کرتا ہوں کہ آپ کورونا وائرس سے جلد صحت یاب ہوں گے۔
امیتابھ بچن میں کورونا وائرس کی تشخیص ہونے کے بعد ان کے بیٹے ابھیشیک بچن، بہو ایشوریا رائے بچن اور پوتی آرادھیا بچن بھی کورونا وائرس کی تصدیق ہوچکی ہے۔ امیتابھ اور ابھیشیک بچن نے ٹویٹر پر اپنا کورونا وائرس کا ٹیسٹ مثبت آنے کی تصدیق کی تھی۔
