پشاور:
جے یو آئی فاٹا کے سالار (انچارج) عبد السلام حقانی بم حملے میں شدید زخمی ہوگئے۔
جمعیت علماء اسلام فاٹا کے شعبہ نشرو اشاعت کی جانب سے جاری بیان کے مطابق باجوڑ میں جے یو آئی فاٹا کے انچارج عبد السلام حقانی بم حملے میں شدید زخمی ہوگئے ہیں۔
عبد السلام حقانی جمعرات کی علی الصبح معمول کے مطابق گھر سے درس و تدریس کے لیے مدرسے جارہے تھے کہ انہیں پہلے سے نصب بارودی مواد سے نشانہ بنایا گیا۔ واقعے میں عبد السلام حقانی شدید زخمی ہوگئے ، جنہیں ابتدائی طبی امداد کے بعد پشاور کے اسپتال میں منتقل کیا گیا ہے۔ جہاں ان کی حالت تشویشناک بتائی جارہی ہے۔
