نیویارک (پاکستان نیوز) ویزا فراڈ کے الزام میں بھارتی کمپنی پر 9.9 میلین ڈالر جرمانہ عائد کر دیا گیا ہے، کمپنی پر Bـ1 ویزا حاصل کرنے کا الزام تھا جو تارکین وطن کو اپنے عملے کے لیے زیادہ مہنگے Hـ1B ویزوں کے بجائے امریکہ میں عارضی کاروبار کرنے کی اجازت دیتا ہے۔بھارتی ملٹی نیشنل ٹیک کمپنی لارسن اینڈ ٹوبرو ٹیکنالوجی سروسز 2014 سے 2019 کے درمیان ویزا فراڈ کرنے کے لیے 9,928,000 امریکی ڈالر ادا کرے گی، امریکی اٹارنی آفس، ڈسٹرکٹ آف ساؤتھ کیرولینا نے اس حوالے سے بتایا کہ فرم نے ایڈیسن نیو جرسی کے دفاتر میں اپنے ملازمین کے لیے زیادہ مہنگے Hـ1B ویزوں کے بجائے سستے Bـ1 ویزا حاصل کر کے جھوٹے دعووں کے ایکٹ کی خلاف ورزی کا اعتراف کیا ہے۔ جرم کے دوران، Bـ1 ویزا، جو کہ ہولڈرز کو ریاستہائے متحدہ میں کام کرنے کی اجازت نہیں دیتے ہیں، $200 سے $300 کے درمیان تھے جبکہ H1ـB ویزا تقریباً $4,000 سے $6,000 کے درمیان تھے۔اس کیس کی تحقیقات اس وقت شروع ہوئی جب ایک سیٹی بلور نے چارلسٹن، ساؤتھ کیرولینا میں ریاستہائے متحدہ کی ڈسٹرکٹ کورٹ میں شکایت درج کرائی۔ تحقیقات ہوم لینڈ سیکیورٹی انویسٹی گیشنز، یو ایس سی آئی ایس نیبراسکا سروس سینٹر فراڈ ڈیٹیکشن یونٹ، یو ایس ڈپارٹمنٹ آف اسٹیٹ کے آفس آف انسپکٹر جنرل، یو ایس ڈپارٹمنٹ آف لیبر آفس آف انسپکٹر جنرل اور یو ایس ڈپارٹمنٹ آف اسٹیٹ کی ڈپلومیٹک سیکیورٹی سروس نے کی ہیں۔محکمہ خارجہ اور محکمہ ہوم لینڈ سیکورٹی کے انچارج سپیشل ایجنٹ کرس ہیلمین نے کہا کہ یہ تصفیہ محکمہ خارجہ اور محکمہ ہوم لینڈ سیکورٹی کے زیر انتظام غیر تارکین وطن ویزا پروگراموں کو کنٹرول کرنے والے قوانین اور ضوابط سے بچنے اور ان کی خلاف ورزی کرنے والی کمپنیوں کو روکنے میں ایک کامیابی ہے۔
