واشنگٹن (پاکستان نیوز) بینک ”انڈروس کوگن” نے مسلم صارفین بڑھانے کے لیے اسلامی طرز بینکنگ متعارف کروا دیا ہے تاکہ زیادہ سے زیادہ مسلم صارفین اس بینک کی جانب راغب ہوں، Androscoggin Bank کو کمیونٹی تنظیموں اور شریعت کے مطابق قرض دینے کے ماہر کے ساتھ مل کر اسلامی رہن کے پروگرام کو تیار کرنے میں ایک سال سے زیادہ کا وقت لگا۔بینک نے مسلم صارفین کی خدمت کے لیے ایتھوپیا کی ایک تارک وطن عائشہ بے کی خدمات بھی حاصل کیں جو مین بینکنگ میں وسیع تجربہ رکھتی ہیں۔اسلامی رہن کے تعارف نے مائن میں مسلم خاندانوں کو گھر کی ملکیت کے اپنے خواب کو پورا کرنے اور کمیونٹی کو تعلق اور استحکام کا احساس فراہم کرنے کے قابل بنایا ہے۔اس سروس سے مستفید ہونے والے پہلے کلائنٹس صوفی متمولیزا اور ایڈم ابیزا ہیں، روانڈا سے آنے والے تارکین وطن جو پورٹ لینڈ میں دس سال سے مقیم ہیں اور اپنے بڑھتے ہوئے خاندان کے لیے گھر خریدنے کے لیے بچت کر رہے ہیں تاہم، ان کے اسلامی عقیدے نے انہیں سود کے ساتھ روایتی رہن قبول کرنے سے منع کیا لیکن فروری میں، جوڑے اور ان کے چار بچے اینڈروسکوگن بینک کے حلال مارگیج پروگرام کی مدد سے اپنے خوابوں کا گھر خریدنے میں کامیاب ہو گئے ہیں۔یہ اقدام Maine کی مسلم کمیونٹی کے لیے ایک اہم سنگ میل کی نمائندگی کرتا ہے، کیونکہ دیگر بینک اسلامی رہن کی پیشکش کرنے سے گریزاں ہیں۔تارکین وطن کمیونٹی کے رہنماؤں کے ساتھ ساتھ ProsperityME اور گریٹر پورٹ لینڈ امیگرنٹ ویلکم سینٹر جیسی تنظیموں نے وفادار مسلم خاندانوں کی ضروریات کو پورا کرنے کے لیے اس قسم کے رہن کی وکالت کی۔
