اسلام آباد:
حکومت نے آئندہ 15 دنوں کے لیے پیٹرولیم مصنوعات کی قیمتوں میں کسی قسم کے اضافے یا کمی نہ کرنے کا فیصلہ کیا ہے۔
ایکسپریس نیوز کے مطابق حکومت نے آئندہ 15 دنوں کیلیے پیٹرولیم مصنوعات کی قیمتوں میں رد و بدل نہ کرنے کا فیصلہ کیا ہے۔ اس حوالے سے وزارت خزانہ کی جانب سے نوٹی فکیشن بھی جاری کردیا ہے۔ جس کے مطابق پیٹرولیم مصنوعات کی موجودہ قیمتیں 30 ستمبر تک برقرار رہیں گی۔
واضح رہے کہ اوگرا نے یکم ستمبر سے 15 ستمبر تک کے لیے پیٹرول کی قیمت میں 9.71 روپے جب کہ ہائی اسپیڈ ڈیزل کی قیمت میں9.50 روپے فی لیٹر اضافے کی سفارش کی تھی جسے وزیر اعظم نے مسترد کردیا تھا۔
