واشنگٹن (پاکستان نیوز) نیویارک کے ایک نیلام گھر میں ایک ڈائنوسار کا ڈھانچہ فروخت کے لیے رکھا گیا ہے جس کی بولی 80 لاکھ ڈالر یعنی تقریباً ایک ارب 33 کروڑ پاکستانی روپے (133 کروڑ پاکستانی روپے) سے جلد ہی شروع ہونے والی ہے۔یہ ڈھانچہ، جو دراصل ڈائنوسار کا ’’رکاز‘‘ (فوسل) ہے، آج سے ساڑھے چھ کروڑ (65 ملین) سال پہلے پائے جانے والے ایک گوشت خور ڈائنوسار ’’ٹائرانوسارس ریکس‘‘ (ٹی ریکس) کا ہے جو اپنی زندگی میں 37 فٹ سے بھی زیادہ لمبا تھا۔
