واشنگٹن ڈی سی(پاکستان نیوز)آئے روز بڑھتی مہنگائی نے شہریوں کو پریشانی سے دوچار کر دیا ہے ، زیادہ تر لوگ مالی معاملات میں الجھ کر رہ گئے ہیں ، پیر کو شائع ہونے والے گیلپ سروے میں پتا چلا کہ جواب دہندگان کی اکثریت اس فکر میں ہے کہ وہ اپنے بل کیسے ادا کریں گے، پچھلے سال میں 8 پوائنٹس بڑھ کر 40 فیصد ہو گئے، جبکہ نصف سے زیادہ، 52 فیصد، اب اپنے معیار زندگی کو برقرار رکھنے کے بارے میں فکر مند ہیں۔اپنے کرایہ یا رہن کی ادائیگی کے بارے میں تشویش کا اظہار کرنے والے جواب دہندگان کی تعداد میں بھی اضافہ ہوا ہے،سروے کے دوران 63 فیصد شہریوں نے رائے دی کہ اب وہ اپنے مالی معاملات کے متعلق فکر مند ہیں کہ کیا ان کے پاس ریٹائرمنٹ کے لیے کافی رقم ہوگی۔ سروے کے دوران شہریوں کی اکثریت نے اپنے معیار زندگی کو برقرار رکھنے کے بارے میں تشویش کا اظہار کیا۔
