واشنگٹن ڈی سی(پاکستان نیوز)امریکہ میں بے روزگاری کی شرح 3.6 فیصد تک برقرار رہی جبکہ 4 لاکھ28 ہزار نئی ملازمتیں پیدا ہوئی ہیں، لیبر ڈیپارٹمنٹ کے جاری کردہ اعدادو شمار کے مطابق اپریل میں ملازمت کی نمو مضبوط رہی کیونکہ فروری 2020 میں بیروزگاری کی شرح اس کی سطح سے صرف 0.1 فیصد پوائنٹس اوپر رہی۔ اقتصادی ماہرین نے توقع ظاہر کی کہ امریکہ نے تقریباً تین لاکھ ملازمتوں کا اضافہ کیا ہے، بڑھتی ہوئی مہنگائی، گیس کی قیمتوں، اور اقتصادی ترقی میں پہلی سہ ماہی میں کمی کے باوجود، صارفین اور کاروباری اخراجات میں اضافہ ہوتا رہا ہے۔متوسط طبقے کی آمدنی میں اضافہ ہوا ہے، امریکہ نے 2020 میں کرونا وائرس وبائی امراض کی وجہ سے کم ہونے والی ً 21 ملین ملازمتوں کو بحال کر لیا ہے۔
