نیویارک (پاکستان نیوز) نیویارک میں 1ہزار برانچز والے سب سے بڑے بینک ٹی ڈی نے لگ بھگ 40فیصد برانچز کو بند کرنے کا اعلان کر دیا ہے ، 2025 کے پہلے پانچ مہینوں کے اندر، کئی بڑے کاروباری اداروں نے اپنی برانچز بند کرنے کا اعلان کیا، حال ہی میں رائٹ ایڈ تھی، جو اپنے باقی تمام اسٹورز کو بند کرنے یا فروخت کرنے کا منصوبہ بنا رہی ہے۔اب ایک بڑا بینک تقریباً ایک درجن ریاستوں میں اپنی برانچز کو محدود کر رہا ہے۔کمپنی کے اعلان کے بعد TD بینک کا استعمال کرنے والوں کو کہیں اور جانا پڑے گا جب کہ اس کی تقریباً 40 فیصد برانچز اگلے ماہ تک بند ہو جائیں گی ۔مجموعی طور پر، کمپنی 10 ریاستوں میں اپنی 38 بینک برانچز کو بند کر دے گی، اور ان کے آپریشن کا آخری دن 5 جون ہو گا۔نیو یارک میں 125 پارک ایونیو، 451 لیکسنگٹن ایونیو، مڈل ٹاؤن میں 156AـB ڈالسن ایونیو ، پلاٹسبرگ میں 136 مارگریٹ اسٹریٹ، گرین لان میں 460 پلاسکی روڈ پر برانچز کو بند کیا جا رہا ہے ، ٹی ڈی بینکوں کو کھونے والی دیگر ریاستوں میں کنیکٹیکٹ، فلوریڈا، مین، میساچوسٹس، نیو ہیمپشائر، نیو جرسی، پنسلوانیا، جنوبی کیرولینا، ورجینیا، اور ڈسٹرکٹ آف کولمبیا شامل ہیں۔ ٹی ڈی بینک 2024 میں بینک سیکریسی ایکٹ کی خلاف ورزی کرتا ہوا پایا گیا تھا۔محکمہ انصاف نے کہا کہ بینک نے مجرموں کے لیے تقریباً دس سال تک اکاؤنٹ کھولنے اور رقوم کی منتقلی کے لیے پابند بنایا۔TD بینک نے منی لانڈرنگ کے وفاقی جرائم کا اعتراف کیا اور اس پر 3 بلین ڈالر کا جرمانہ عائد کیا گیا۔ٹی ڈی بینک کے نئے سی ای او، رے چن نے اکتوبر میں کہا تھا کہ “بینک کو مضبوط بنیاد پر رکھنے کے لیے” تبدیلیاں کی جائیں گی۔
