اسلام آباد:
وزیراعظم عمران خان کی جانب سے تمام حکومتی ارکان اسمبلی کو 50، 50 کروڑ روپے کے ترقیاتی فنڈز دینے کے اعلان پر چیف جسٹس پاکستان نے پانچ رکنی لارجر بینچ تشکیل دیدیا۔
وزیراعظم کی جانب سے ارکان اسمبلی کو ترقیاتی فنڈز جاری کرنے کے معاملے پر چیف جسٹس پاکستان جسٹس گلزار احمد نے جسٹس قاضی فائز عیسی کے نوٹس پر پانچ رکنی لارجر بینچ تشکیل دیا۔
بینچ کے دیگر ارکان میں جسٹس مشیر عالم، جسٹس عمر عطا بندیال، جسٹس قاضی فائز عیسی اور جسٹس اعجاز الاحسن شامل ہیں ۔ پانچ رکنی لارجر بینچ کل دن ایک بجے سماعت کرے گا۔
کیس کی سماعت کیلئے سپریم کورٹ رجسٹرار آفس نے وزیراعظم کے پرنسپل سیکرٹری، سیکرٹری کابینہ ڈویژن، سیکرٹری خزانہ، وفاقی اور صوبائی ایڈووکیٹ جنرلز اور چیف سیکرٹریز کو بھی نوٹس جاری کردیے۔
یہ بھی پڑھیں: اگلے سال سے ارکان پارلیمنٹ کو 50 کروڑ روپے کے ترقیاتی فنڈز دیے جائیں گے، وزیراعظم
واضح رہے کہ جسٹس قاضی فائز عیسی نے اخبار کی خبر پر نوٹس لیا تھا۔
