تل ابیب (پاکستان نیوز) اسرائیل نے امریکہ اور ایران کے درمیان جوہری معاہدے کو خطے کی سلامتی کے لیے خطرناک قرار دے دیا ہے ، اسرائیلی دفاعی اداروں کی جانب سے صدر بائیڈن کو بھیجے گئے خط میں 5 ہزار کے قریب دفاعی حکام نے اپنے دستخط کے ساتھ اس معاہدے کو خطے کی سلامتی کے لیے خطرناک قرار دیا ہے، اسرائیلی حکام نے خبردار کرتے ہوئے کہا کہ اس معاہدے سے خطے میں جوہری ہتھیاروں کی دوڑ شروع ہو سکتی ہے ، نیوز میکس کے مطابق صدر بائیڈن کو بھیجے گئے خط پر اسرائیلی دفاعی اداروں کے 5000 سینئر افسران نے دستخط کیے ہیں، خط میں کہا گیا ہے کہ ہمارے تجربے اور تشخیص کی بنیاد پر، ہم سمجھتے ہیں کہ یہ معاہدہ امریکی، اسرائیلی اور علاقائی سلامتی کے لیے وسیع وجوہات کی بنا پر تباہ کن ہے۔یہ معاہدہ ایران کے لیے 2031 تک جوہری ہتھیار حاصل کرنے کے لیے ایک واضح اور قانونی راستہ بناتا ہے۔خط میں مزید کہا گیا ہے کہ مصر اور دیگر سنی ریاستیں ایران کے خطرے کو کم کرنے کے لیے جوہری ہتھیار تیار کرنے یا حاصل کرنے کی کوشش کریں گی، آخر میں، خط میں اعلان کیا گیا کہ “یہ معاہدہ اسلامی جمہوریہ ایران کو پہلے سے منجمد فنڈز کا ایک نتیجہ فراہم کرے گا، فنڈز جو بلاشبہ پورے خطے اور اس سے باہر دہشت گردی اور عدم استحکام کو بڑھانے کے لیے استعمال کیے جائیں گے۔اس معاہدے کو سابق صدر اوباما بھی آگے بڑھانا چاہتے تھے ، ورلڈ اسرائیل نیوز کے مطابق، تقریباً 30 ڈیموکریٹس سمیت 50 قانون سازوں نے صدر بائیڈن کو بھیجے گئے خط پر دستخط کیے ہیں جس میں اس معاہدے کو حتمی شکل دینے سے قبل اس کا دوبارہ سے جائزہ لینے کی اپیل کی گئی ہے، ورلڈ اسرئیل نیوز نے رپورٹ کیا کہ معاہدے سے ایران اور اس کے پراکسی دہشت گرد گروہ، بشمول حزب اللہ، حماس، حوثی اور فلسطینی اسلامی جہاد، کے پاس اگلی دہائی کے دوران اچانک ایک ٹریلین ڈالر کی پابندیوں میں ریلیف ملے گا۔
