نیویارک (پاکستان نیوز)امریکی مسلم حقوق گروپس نے بائیڈن سے ”دہشت گردی” کی واچ لسٹ کے استعمال کو معطل کرنے کا مطالبہ کیا۔لسٹ لیک ہونے سے لاکھوں افراد کا ڈیٹا عیاں ہو گیا ،نو فلائی لسٹ لیک ہونے سے 10 لاکھ سے زیادہ افراد کے نام سامنے آئے، جن میں زیادہ تر مسلم اور عرب نام شامل ہیں، حقوق گروپ کے مطابق مسلمانوں نے اس فہرست کے استعمال کے خلاف طویل جدوجہد کی ہے، کیونکہ یہ لوگوں کو ان کے خلاف ثبوت پیش کیے بغیر سفر کرنے کی صلاحیت سے محروم کر دیا جاتا ہے ۔امریکی حکومت کی نو فلائی لسٹ کے بڑے پیمانے پر لیک ہونے کے بعد، مسلم حقوق کا ایک سرکردہ گروپ بائیڈن انتظامیہ سے مطالبہ کر رہا ہے کہ وہ “دہشت گرد” واچ لسٹ کا استعمال بند کرے جسے حکومت کئی دہائیوں سے استعمال کر رہی ہے، پچھلے ہفتے، ایک سوئس ہیکر نے مبینہ طور پر دو فہرستوں تک رسائی حاصل کی، نو فلائی لسٹ اور سلیکٹی لسٹ، جب ایک علاقائی امریکی ایئرلائن نے انہیں ڈیٹا سرور پر چھوڑ دیا جسے پبلک انٹرنیٹ پر بے نقاب چھوڑ دیا گیا۔فہرست، جو 2019 کی تھی، تقریباً 1.5 ملین اندراجات پر مشتمل تھی۔ تاہم، اس میں انفرادی افراد کے متعدد عرفی نام شامل تھے، جس سے ہیکر کے مطابق، فہرست میں شامل افراد کی کل تعداد کم ہو گئی۔کونسل آن امریکن اسلامک ریلیشنز (کیر) کے مطابق انھوں نے فہرست کی کاپیاں حاصل کر لی ہیں۔
