بالٹی مور (پاکستا ن نیوز) امریکہ میں مسلمانوں کے حقوق کی سب سے بڑی تنظیم کونسل آن امریکنـاسلامک ریلیشنز (CAIR) نے میری لینڈ میں مسلم میئر کے انتخاب کا خیر مقدم کیا ہے، ہفتے کے آخر میں منعقدہ خصوصی انتخابات میں بھاری اکثریت سے کامیابی کے بعد کونسل کے رکن فضل الکبیر سٹی آف کالج پارک کے اگلے میئر ہوں گے۔ مبینہ طور پر وہ میری لینڈ کے کسی بھی شہر کے میئر کے عہدے پر فائز ہونے والے پہلے مسلمان ہیں۔CAIR کی میری لینڈ کی ڈائریکٹر زینب چوہدری نے کہا کہ یہ تاریخی لمحہ ان تمام لوگوں کے لیے جشن کا باعث ہے جو تنوع اور شمولیت کو اہمیت دیتے ہیں۔ ہم میئر الیکٹ کبیر کو اس جیت پر مبارکباد دیتے ہیں اور ان کے اور اپنے تمام منتخب لیڈروں کے ساتھ کام جاری رکھنے کے منتظر ہیں تاکہ ہماری متحرک کمیونٹیز کو متاثر اور اہمیت دینے والے اسباب کو آگے بڑھا سکیں۔انہوں نے بتایا کہ گزشتہ سال، CAIR اور Jetpac Resource Center نے وسط مدتی انتخابات میں 82 مقامی، ریاستی قانون ساز، ریاست گیر، عدالتی اور وفاقی امریکی مسلم انتخابی کامیابیوں کی حتمی گنتی جاری کی۔میئر الیکٹ کبیر نے CAIR کو ایک بیان میں کہا، میں اپنی کمیونٹی کا شکر گزار ہوں کہ انہوں نے مجھے میری لینڈ کے پہلے مسلمان میئر کے طور پر منتخب کیا جو کہ ہمارا ملک پیش کرتا ہے، دوسروں کی خدمت کرکے امریکی خواب کو پورا کرنے کا ایک بہترین مثال کے طور پر۔
