واشنگٹن ڈی سی (پاکستان نیوز) رواںسال کے دوران امریکہ میں تنخواہیں پانچ سالوں کی کم ترین سطح پر آ گئی ہیں ، تنخواہوںمیں 9 فیصد گراوٹ ریکارڈ کی گئی ہے ، ابتدائی رپورٹ کے مطابق تنخواہیں 1 لاکھ 41 ہزار ڈالر سے 1لاکھ 29 ہزار ڈالر تک نیچے گر گئی ہیں، ٹیکنالوجی ورکرز کے لیے جاب سرچ مارکیٹ پلیس کی جانب سے حال ہی میں جاری کردہ رپورٹ میں ریاست ہائے متحدہ امریکہ میں مکمل طور پر ذاتی اور ہائبرڈ کرداروں کے لیے مقامی آمدنی میں نمایاں کمی دیکھی گئی۔ تنخواہ کی سطح 2022 سے 2023 کی پہلی ششماہی تک تین فیصد کم ہوئی، رپورٹ میں مزید بتایا گیا کہ افراط زر سے ایڈجسٹ شدہ اوسط تنخواہیں زیادہ ہیں اور مقامی تنخواہوں کے مقابلے میں کم اتار چڑھائو کا شکار رہی ہیں۔جنوری 2022 سے جولائی 2023 تک امریکی مارکیٹ کو متاثر کرنے والی افراط زر کے لحاظ سے ایک ہنگامہ خیز سال رہا ہے۔ ایک رپورٹ کے مطابق افراط زر کی شرح جنوری 2022 میں یہ 7.5 فیصد سے بڑھ کر اس سال مئی میں 9.1 فیصد، جولائی میں 8.5 فیصد، جنوری 2023 میں 6.4 فیصد سے جولائی 2023 میں 3.7 فیصد تک پہنچ گئی۔اشیا اور خدمات کی قیمتوں میں اضافے کی وجہ سے صارفین کی قیمتوں کا اشاریہ بڑھنے کے باوجود، امریکہ میں ملازمت کے متلاشیوں نے اپنی تنخواہ کی توقعات 146,000 پر برقرار رکھی، تاہم، قیمتوں میں اضافے اور مارکیٹ کے موجودہ حالات کو مدنظر رکھتے ہوئے، رپورٹ سے پتہ چلتا ہے کہ مقامی U.S. تنخواہیں گزشتہ پانچ سالوں میں کم ترین سطح پر آ گئی ہیں۔
