نیو یارک (پاکستان نیوز) نو منتخب صدر ڈونلڈ ٹرمپ نے انکشاف کیا ہے کہ وہ نیویارک سٹی کے میئر ایرک ایڈمز کے لیے معافی جاری کرنے پر غور کر سکتے ہیں۔ٹرمپ نے یہ تبصرہ مارـاےـلاگو میں صحافیوں سے بات کرتے ہوئے کیا، اس بات کو مسترد کرتے ہوئے کہ ایڈمز کا جاری بدعنوانی کیس سیاسی طور پر محرک ہے۔ٹرمپ نے کہا کہ تارکین وطن کے ساتھ جو کچھ ہو رہا تھا اس کے خلاف ]ایڈمز[ گئے تھے۔ایڈمز کو وائر فراڈ ، سازش ، ایک غیر ملکی شہری سے چندہ کی درخواست اور رشوت ستانی کے الزامات کا سامنا ہے، ایڈمز نے ترک حکام سے فوائد اور مراعات حاصل کیں، بشمول مفت اور رعایتی ایئر لائن ٹکٹ اور ہوٹل میں رہائش، استغاثہ نے بتایا کہ مراعات کی مالیت ایک لاکھ ڈالر سے زیادہ تھی۔ ایڈمز نے تمام الزامات میں قصوروار نہ ہونے کی استدعا کی ہے۔ٹرمپ نے مزید کہا کہ میرے خیال میں اس کے ساتھ کافی غیر منصفانہ سلوک کیا گیا تھا۔سی این بی سی کی ایک رپورٹ کے مطابق جب حال ہی میں اتوار کو نامہ نگاروں کے ذریعہ پوچھا گیا تو ایڈمز نے کہا کہ وہ صدر سے معافی کے بارے میں بات نہیں کر رہے ہیں۔
