اسلام آباد:
حکومت بجٹ میں سگریٹ پر ٹیکس میں اضافہ کرنا چاہتی ہے تاکہ یہ رقم ہیلتھ انشورنس اسکیم اور مہلک بیماریوں پر کنٹرول کے پروگرام کی فنڈنگ کی جاسکے۔
نیشنل ہیلتھ سروسز اینڈ کوآرڈینیشن ڈویژن نے ہیلتھ لیوی بل2019کا ڈرافٹ تیارکیاہے جس میں سگریٹ اور مشروبات پر ہیلتھ لیوی کا نفاذ کرنے کی تجویز دی گئی ہے لیکن ایف بی آر نے سگریٹ پر لیوی کے نفاذ کی مخالفت کی ہے جبکہ وزارت خزانہ سگریٹ پر ٹیکس کے نفاذ کی تجویز سے متفق ہے۔
