کشمور میں ماں اور اس کی 4 سالہ بچی کے ساتھ زیادتی کرنے والا زیر حراست مرکزی ملزم پولیس اور دیگر ملزمان کی فائرنگ کے تبادلے میں ہلاک ہوگیا۔
کشمور زیادتی کیس کے مرکزی ملزم نے دوران تفتیش پولیس کو بتایا کہ بخشاپور میں واقع قبرستان کے قریب ان کا ایک ٹھکانہ ہے جہاں وہ عورتوں کو رکھتے ہیں۔
مرکزی ملزم کی نشاندہی پر پولیس پارٹی اسے ساتھ لے مذکورہ علاقے میں جب پہنچی تو وہاں موجود ایک اور ملزم نے پولیس کو دیکھ کر فائرنگ کی جس میں گرفتار مرکزی ملزم ہلاک ہوگیا تاہم فائرنگ کے تبادلے کے بعد زیادتی واقعے کے دوسرے ملزم کو اسلحہ سمیت گرفتار کرلیا گیا۔
کیس کا پس منظر
کشمور میں 4 سالہ بچی سے اجتماعی زیادتی کا دل دہلا دینے والا واقعہ پیش آیا جس نے ہر شہری کو لرزا کر رکھ دیا ہے، کراچی کی رہائشی تبسم بی بی کو نوکری کا جھانسہ دے کر کشمور لے جایا گیا جہاں پہلے اس کے ساتھ اور پھر اس کی 4 سالہ بیٹی کے ساتھ اجتماعی زیادتی کی گئی۔
