نیویارک (پاکستان نیوز) جوبائیڈن انتظامیہ نے امریکی عدالت عظمیٰ سے اپیل کی ہے کہ بوسٹن حملے کے مجرم کیخلاف سزائے موت دوبارہ لاگو کی جائے ، عدالت میں حکومتی وکیل نے موقف اختیار کیا کہ کوٹ آف اپیل نے 27 سالہ ملزم کے خلاف سزائے موت ختم کر کے غلط اقدام کیا ہے ، مجرم قصور وار ہے جس کو ہر صورت سزائے موت ہونی چاہئے ۔سپریم کورٹ کو چاہئے کہ اس کیس کو دوبارہ ٹریک پر لاتے ہوئے منطقی انجام تک پہنچائے ، وائٹ ہائوس کی پریس سیکرٹری جین پاسکی نے بتایا کہ سپریم کورٹ نے یقین دہانی کرائی تھی کہ وہ مارچ میں کیس کی دوبارہ سماعت کا آغاز کرے گی ۔
