محترم قارئین آپ کی خدمت میں سید کاظم رضا کا سلام پہنچے آج آپ سے ستاروں سیاروں کی چالوں اور وظائف سے ہٹ کر کچھ پیش کرتا ہوں جوکہ ایک حکایت ہے اور استاد و کلاس کے طالبعلموں کے درمیان ایک خوبصورت پیش کردی مضمون ہے جس میں طلبا کا ترقی کا راستہ یا سفر کرنے کے بنیادی اصول بتائے گئیے ہیں پڑھئیے لطف آئیگا ۔ ایک دن پروفیسر صاحب سے جوتا پالش کرنے والے بچے نے جوتا پالش کرتے کرتے پوچھا!
ماسٹر صاحب! کیا میں بھی بڑا آدمی بن سکتا ہوں پروفیسر نے قہقہہ لگا کر جواب دیا۔ دنیا کا ہر شخص بڑا آدمی بن سکتا ہے
بچے کا اگلا سوال تھا کیسے؟
پروفیسر نے اپنے بیگ سے چاک نکالااوراسکیکھوکھے کی دیوار پر دائیں سے بائیں تین لکیریں لگائیں، پہلی لکیر پر محنت محنت اور محنت لکھا۔ دوسری لکیر پر ایمانداری ایمانداری اور ایمانداری لکھا۔ اور تیسری لکیر پر صرف ایک لفظ ہنر )Skill( لکھا۔ بچہ پروفیسر کو چپ چاپ دیکھتا رہا پروفیسر یہ لکھنے کے بعد بچے کی طرف مڑا اور بولا: ترقی کے تین زینے ہوتے ہیں۔ پہلا زینہ محنت ہے ! آپ جو بھی ہیں آپ اگر صبح دوپہر اور شام تین اوقات میں محنت کر سکتے ہیں تو آپ تیس فیصد کامیاب ہو جائیں گے آپ کوئی سا بھی کام شروع کر دیں، آپ کی دکان فیکٹری دفتر یا کھوکھا صبح سب سے پہلے کھلنا چاہئے اور رات کو آخر میں بند ہونا چاہئے آپ کامیاب ہو جائیں گے۔ پروفیسر نے کہا ہمارے اردگرد موجود نوے فیصد لوگ سست ہیں یہ محنت نہیں کرتے آپ جوں ہی محنت کرتے ہیں آپ نوے فیصد سست لوگوں کی فہرست سے نکل کر دس فیصد محنتی لوگوں میں آ جاتے ہیں آپ ترقی کیلئے اہل لوگوں میں شمار ہونے لگتے ہیں” اگلا مرحلہ ایمانداری ہوتی ہے ایمانداری چار عادتوں کا پیکج ہے ، وعدے کی پابندی ، جھوٹ سے نفرت، زبان پر قائم رہنا اور اپنی غلطی کا اعتراف کرنا۔ آپ محنت کے بعد ایمانداری کو اپنی زندگی کا حصہ بنا لو ،وعدہ کرو تو پورا کرو، جھوٹ کسی قیمت پر نہ بولو، زبان سے اگر ایک بار بات نکل جائے تو آپ اس پر ہمیشہ قائم رہو اور ہمیشہ اپنی غلطی کوتاہی اور خامی کا آگے بڑھ کر اعتراف کرو، تم ایماندار ہو جا گے۔ کاروبار میں اس ایمانداری کی شرح 50 فیصد ہوتی ہے ۔ آپ پہلا تیس فیصد محنت سے حاصل کرتے ہیں آپ کو دوسرا پچاس فیصد ایمانداری دیتی ہے ۔ اور پیچھے رہ گیا 20 فیصد تو یہ 20 فیصد ہنر ہوتا ہے ۔ آپ کا پروفیشنل ازم آپ کی سکل اور آپ کا ہنر آپ کو باقی 20 فیصد بھی دے دے گا آپ سو فیصد کامیاب ہو جا گے پروفیسر نے بچے کو بتایا۔ لیکن یہ یاد رکھو ہنر پروفیشنل ازم اور سکل کی شرح صرف 20 فیصد ہے اور یہ 20 فیصد بھی آخر میں آتا ہے آپ کے پاس اگر ہنر کی کمی ہے تو بھی آپ محنت اور ایمانداری سے 80 فیصد کامیاب ہو سکتے ہیں ۔ لیکن یہ نہیں ہو سکتا کہ آپ بے ایمان اور سست ہوں اور آپ صرف ہنر کے زور پر کامیاب ہو جائیں۔ آپ کو محنت ہی سے سٹارٹ لینا ہو گا، ایمانداری کو اپنا اوڑھنا اور بچھونا بنانا ہو گا، آخر میں خود کو ہنر مند ثابت کرنا ہوگا۔ پروفیسر نے بچے کو بتایا۔ میں نے دنیا کے بے شمار ہنر مندوں اور فنکاروں کو بھوکے مرتے دیکھا!کیوں؟
کیونکہ وہ بے ایمان بھی تھے اور سست بھی’
اور میں نے دنیا کے بے شمار بیہنروں کو ذاتی جہاز اڑاتے دیکھا-
تم ان تین لکیروں پر چلنا شروع کر دو
تم آسمان کی بلندیوں کو چھونے لگو گے۔
اللہ پاک سے دعا ہے تمام کلمہ گو مسلمانوں کے بچے دنیا میں قابل اور با ادب مہزب شھری بنیں اور اس دنیا کی ترقی میں سب کے ساتھ مل کر کام کریں آمین!
٭٭٭
