ماسکو(پاکستان نیوز) روسی حکومت نے یوکرائن کے خلاف جنگ ختم کرنے کے منشور پر الیکشن لڑنے کی خواہشمند خاتون امیدوار کے کاغذات نامزدگی مسترد کرتے ہوئے الیکشن سے آئوٹ کر دیا ہے ، آزاد امیدوار ”یکاترینا ڈنٹسووا” یوکرین کے ساتھ جنگ کے خاتمے کے لیے ایک پلیٹ فارم پر چلنا چاہتی تھیں لیکن انتخابی کمیشن نے اس کی درخواست کے تین دن بعد اس کے فارم میں 100 “غلطیوں” کا حوالہ دیتے ہوئے متفقہ طور پر اس کی امیدواری کو مسترد کرنے کے لیے ووٹ دیا۔محترمہ ڈنٹسووا نے کہا کہ وہ اس فیصلے کے خلاف سپریم کورٹ میں اپیل کریں گی۔صدارتی انتخابات، جو مارچ 2024 میں ہوں گے، روس کا پہلا انتخاب ہے، روس کے انتخابی کمیشن کی سربراہ ایلا پامفیلووا نے کہا کہ محترمہ ڈنتسووا کو ہزاروں حامیوں کے دستخط جمع کرنے کے اگلے مرحلے تک جانے کی اجازت نہیں دی جائے گی۔سابق ٹی وی صحافی نے اعلان کیا تھا کہ وہ نومبر میں صدارتی انتخابات میں حصہ لیں گی۔ اس وقت، اس نے خبر رساں ادارے روئٹرز کو بتایا “یہ قدم اٹھانے والا کوئی بھی سمجھدار شخص ڈرے گا ـ لیکن خوف کو جیتنا نہیں چاہئے۔
